experienztga:
Schagea cas eassan ànc giuvens savagn nus gea dumbrar anzaquàntas turas alpinas. Par exaimpel igl "Weisshorn" digl Vallais sur sieus fil digl nord, igl "Zinalrothorn" sur igl fil digl sid ad igl Bumiller digl piz Palü. Fetg grand plascher vagn nus veda pares da schglatsch sco la pare da nord-ost digl Roseg, la pare da nord digl "Obergabelhorn" near rutas spezialas an la pare da vest digl Bernina.
D'unviern saragatagn nus seda cascadas schalads digl Avers avànt ca la saschùn da turas da sci antgeva. Quellas turas fagiagn nus savens ear cun l'esa (snowboard), surtut agl eldorado da turas d'unviern Avers - Valragn mo ear schioc agl cantun. (Ringelspitze, Tödi, Piz Bernina, etc.)
Egna tura fetg lùnga vagn nus fatg da Pastgas 2002. Nus vagn sames sen veglia agl Avers ad essan, passant la tiga da Forno, finalmeing rivos segl Monte Disgrazia.
A saragatar da sport nagn nus an rutas da greaveztga masàna agl Rätikon, Bergalia, Tessin, etc.


Home